Astanadaǵy bilikti dárigerler Oralda naýqastardy qabyldaıdy
Kelýshilerdi kardıohırýrg pen arıtmolog – oblystyq kardıologııalyq ortalyqta, al angıohırýrg – oblystyq kópsalaly aýrýhanada (dıagnostıkalyq korpýs) qabyldaıdy. Mamandar 18 qazan kúni 10:00-den 18:00-ge deıin, 19 qazanda 09:00-den 18:00-ge deıin jumys isteıdi (13:00-14:00 aralyǵynda túski úzilis).
Keńes alýǵa kelýshilerdiń qolynda jeke basyn kýálandyratyn qujaty men burynǵy saraptamalary bolýy kerek. Dárigerdiń dál dıagnoz qoıyp, sheshim qabyldaýy úshin:
· kardıohırýrgke – EKG, EhoKG hattamasyn, koronarografııa/KT dıskisin jáne qolda bar úzindi kóshirmelerin, tekserýlerin, saraptamalaryn;
· arıtmologqa – EKG, Holter EKG, EhoKG hattamasyn;
·angıohırýrgke – qantamyr ÝDDG, KT dıskisin nemese aortografııa jáne qolda bar úzindi kóshirmelerin, saraptamalardy ákelý qajet.
QR PІB bilikti mamandary joǵary tehnologııalyq medıtsınalyq qyzmettiń qoljetimdiligin arttyrý úshin jyl saıynǵy dástúrli aktsııa sheńberinde jasy 18-den asqan azamattarǵa konsýltatıvtik kómek kórsetedi.
«Biz óńirde jıi kezdesetin aýrý túrlerin eskere kele bıyl kardıohırýrg, arıtmolog, angıohırýrgtar barǵany durys dep taptyq. Osyǵan deıin 9 aı ishinde bizdiń mamandar 8 oblysty aralap, 1000-ǵa jýyq naýqasqa kómek kórsetti», – deıdi brıgada múshesi Talǵat Sarsembaev.
Resmı derek boıynsha, respýblıkanyń 650 eldi mekeninde emdeý mekemesi joq. Oblys ortalyqtarynyń ózinde bilikti salalyq dárigerler jetispeıdi. Bul problema Memleket basshysy Q.Toqaevtyń bıylǵy Joldaýynda da kórinis tapqan bolatyn.
QR Prezıdentiniń Іs Basqarmasyna qarasty Medıtsınalyq ortalyq aýrýhanasynyń mamandary jyl saıyn «Meniń súıikti dárigerim» kóshpeli aktsııasyn ótkizý arqyly óńirlerde turatyn halyqtyń densaýlyǵyn jaqsartýǵa úles qosyp keledi.
Foto: udp-rk.kz