Astanadaǵy Beısekov kóshesi túngi ýaqytqa jabylady
ASTANA. QazAqparat - Beısekov kóshesindegi qozǵalysqa arnalǵan jol túngi ýaqytqa jabylady, dep habarlaıdy Astana qalasynyń ІІD baspasóz qyzmeti.
«Beısekov kóshesindegi Qosshyǵulov kóshesinen Tilendıev dańǵylyna deıingi aralyqta avarııalyq-qalpyna keltirý jumystary júrgizilýine baılanysty 2017 jyldyń 21 maýsym saǵat 22.00-den 22 maýsym saǵat 07.00-ge deıin kólik quraldarynyń qozǵalysy toqtatylady», - delingen ІІD habarlamasynda.
Іshki ister departamenti qala turǵyndary men qonaqtaryn baǵyttaryn aldyn ala josparlap alýǵa keńes beredi.
