Astanadaǵy beınebaqylaý kameralarynyń kómegimen qaraqshylyq qylmys ashyldy
ASTANA. 23 qańtar. QazAqparat - Elordalyq jedel ýákilder Jedel basqarý ortalyqtarynyń beınebaqylaý kameralarynyń kómegimen qarýdy qoldana otyryp, buzaqylyq jasaǵan kúdiktilerdi ustady.
Bul týraly búgin brıfıngte QR ІІM resmı ókili Nurdildá Oraz málim etti.
«20 qańtarda Almaty aýdany ІІB-niń polıtsııa bólimine tańǵy saǵat 5-ter shamasynda qala fırmalarynyń dırektory ony túngi klýbtardyń birinde belgisiz bireýler uryp-soǵyp, jaraqat keltiretin tapanshadan atqany týraly habarlady», - dep atap ótti N.Oraz.
Onyń aıtýynsha, jedel-izdestirý is-sharalaryn ótkizý kezinde polıtsııa qyzmetkerleri qalanyń eki turǵynyn ustaǵan.
Tergeý amaldary kezinde túngi klýbta kúdiktiler men jábirlenýshilerdiń arasynda urys-keris bolǵany anyqtaldy. Urys-keris kezinde buzaqylar jábirlenýshini uryp-soǵyp, qashyp ketken.
«Qazirgi ýaqytta buzaqylyq faktisi boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaýǵa alyndy, olardyń osyǵan uqsas basqa da qylmystarǵa qatystylyǵy tekserilýde», dedi resmı ókil.
