Astanadaǵy bazarda janjal shyǵarǵan 10 kúzetshi ustaldy
ASTANA. QazAqparat - Astana polıtsııasy qala bazarlarynyń birinde bolǵan janjaldy toqtatty, dep habarlaıdy QazAqparat tilshisi elordalyq ІІD baspasóz qyzmetine silteme jasap.
Daýly oqıǵa «Sharyn» bazarynda eki kúzet qyzmetiniń kúzetshileri arasynda týyndaǵan. Saldarynan janjalǵa qatysy bar 10 adam aýmaqtyq ishki ister bólimine jetkizildi.
«13 qazan kúni Sharyn bazarynda eki kúzet mekemesiniń kúzetshileri arasynda janjal týyndady. Bul týraly Astana ІІD Jedel basqarý ortalyǵyna kúndizgi sǵaat 12-de habar kelip túsken. Oqıǵanyń mán-jaıyn anyqtaý úshin aýmaqtyq ishki ister basqarmasyna 10 adam jetkizildi.
Atalǵan oqıǵa boıynsha QR QK-niń 252-baby («Jeke kúzet fırmalary qyzmetkerleriniń ýákildik quqyqtaryn asyra paıdalaný») boıynsha sotqa deıingi tergeý jumystary júrýde», - dep habarlady astanalyq ІІD baspasóz qyzmeti.
