Astanadaǵy bazarda shyqqan aýqymdy órtti qalaı sóndirgeni kórsetildi
ASTANA. QazAqparat - Elordadaǵy iri bazarda bolǵan órtti sóndirip jatqan órt sóndirýshilerdiń jumysy týraly vıdeo áleýmettik jelige jarııalandy, dep habarlaıdy QazAqparat.
«BIG Shanhaı» bazaryndaǵy órtti sóndirip jatqan órt sóndirýshilerdiń jedel jáne mashyqtanǵan jumysy», - dep jazylǵan Astana TJ departamentiniń Feısbýkte jarııalaǵan vıdeosynda.
Eske salaıyq, oqys oqıǵa 16 jeltoqsanda elordada boldy. Saǵat 13:30-da Astana qalasynyń «BIG Shanhaı» bazarynda órt shyqqany týraly habar kelip túsken. Oqıǵa ornyna jetken órt sóndirýshiler qoımanyń shatyry men qurylys materıaldarynyń otqa ornaǵanyn anyqtaǵan.
Órtti sóndirýge jeke quramnyń 40 qyzmetkeri jəne 10 arnaıy tehnıkasy jumyldyrylǵan.
