Astanadaǵy baıqaýda TMD aýmaǵyndaǵy jalǵyz áskerı dırıjer áıel jetekshilik etetin orkestr jeńimpaz atandy
ASTANA. 28 sáýir. QazAqparat - Astanada senbi kúni, aýa-raıynyń qolaısyzdyǵyna qaramastan, QR Іshki ister mınıstrligi Іshki áskeriniń bas qolbasshysynyń syılyǵyna áskerı orkestrler arasyndaǵy «Áskerı kerneı» atty ІІ baıqaý saltanatty kontsertpen aıaqtaldy.
Baıqaý qorytyndysy boıynsha Gran-prıdi Almatydan kelgen QR ІІM ІÁ 5571 áskerı bóliminiń orkestri jeńip aldy. Bul orkestrge dırıjer Elena Evstratenko jetekshilik etedi.
«Áskerı dırıjer bolyp qyzmet etip júrgenime 18 jyl boldy. Shynymdy aıtaıyn, bas qolbasshysynyń Gran-prıin ıelený - bul úlken dáreje», - dedi TMD aýmaǵyndaǵy jalǵyz áskerı dırıjer áıel kapıtan Elena Evstratenko QazAqparat tilshisine bergen suhbatynda.
«15 birlikke deıin» sanatynda Semeı qalasynyń 5511 áskerı bóliminiń orkestri, «25 birlikke deıin» sanatynda Óskemen qalasynyń 5518 áskerı bóliminiń orkestri, al «25 birlikten astam» sanaty boıynsha QR ІІM ІÁ ORtalyq orkestri jeńiske jetti.
QR ІІM ІÁ áskerı ınstıtýtynyń barabanshylar vzvody kórermen kózaıymy atansa, QR UQK Shekara qyzmetiniń orkestri arnaıy syılyqpen marapattaldy.
Jeńimpazdardy QR Іshki ister mınıstrligi Іshki áskeriniń bas qolbasshysy general-maıor Rýslan Jaqsylyqov quttyqtady.
