Astanadaǵy bas bostandyǵynan aıyrý ornynda otyrǵan azamattardyń óz denelerine zaqym keltirý áreketteri boıynsha arnaıy vedomstvoaralyq komıssııa quryldy

Bul týraly búgin jýrnalıstermen bolǵan aptalyq brıfıngte Bas prokýratýranyń resmı ókili Nurdáýlet Súıindikov málim etti, dep habarlaıdy QazAqparat.

 Onyń sózine qaraǵanda, atalmysh komıssııany Qylmystyq atqarý júıesi komıteti tóraǵasynyń orynbasary basqarady. Komıssııa quramynda quqyq qorǵaý organdarynyń jáne prokýratýranyń ókilderi bar. Olardyń jumysyn Bas prokýratýradaǵy arnaıy organ ókilderi baqylaıtyn bolady. «Eger komıssııa óz jumysynyń alǵashqy qorytyndylary jónindegi málimetterin daıyndaıtyn bolsa, biz onymen mindetti túrde kópshilikti habardar etemiz. Al ázirge bul oqıǵa týraly eshqandaı málimet joq», dedi resmı ókil.