Astanadaǵy «Barys» sport kesheni mańynda konkı tebýge tyıym salyndy
ASTANA. QazAqparat - Astanada qutqarýshylar «Barys» sport kesheniniń mańynda konkı tebýge tyıym saldy, dep habarlaıdy QazAqparat.
Astana qalasynyń Tótenshe jaǵdaılar departamenti «Barys» sport kesheniniń mańynda konkı tebýge tyıym saldy.
«Aýa raıynyń kúrt ózgerýine, muzdyń erýine baılanysty elorda turǵyndary men qonaqtaryna Almaty aýdany Aqbulaq ózeniniń «Barys» sport kesheniniń boıyndaǵy («Qazaqstan» sport kesheniniń janynda) sý aıdyndarynda konkı tebýge tyıym salynatynyn eskertedi. Azamattardan tótenshe oqıǵalardy boldyrmaý maqsatynda eskertýlerdi tyńdaýdy suraımyz. Ózińizge jáne jaqyndaryńyzǵa saq bolyńyz!» - delingen habarlamada.
