Astanadaǵy balet teatrynyń trýppasy Parıjde óner kórsetedi
Qazaqstan úshin asa mańyzdy mádenı oqıǵa UNESCO Atqarý keńesiniń 202-shi sessııasy aıasynda 17-19 qazan aralyǵynda ótedi, dep habarlaıdy «Astana Balet» teatrynyń baspasóz qyzmeti.
Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynda alǵa qoıylǵan qazirgi zamanǵy qazaqstandyq mádenıettiń halyqaralyq tanystyrylymy búgingi tańdaǵy mańyzdy mindetter aıasynda ózekti másele bolyp tabylady.
Bul shara «Astana balet» jas qazaq teatry úshin asa mańyzdy oqıǵa bolmaq. Sebebi «Astana balet» teatry kúzgi maýsymdyq jumysyn Parıj sahnasynan bastaıdy. Teatrdyń shyǵarmashylyq ujymy ulttyq jáne álemdik horeografııa óneriniń úzdik úlgilerin usynatyn bolady.
«Qazaqstannyń Frantsııadaǵy erekshe mádenı baǵdarlamasyna qatysý biz úshin úlken qurmet pen jaýapkershilik, óıtkeni biz óz elimizdi laıyqty túrde tanytýymyz kerek. Bizdiń elimiz týraly ǵylymı-praktıkalyq konferentsııalar uıymdastyrylyp, kórmeler, derekti fılmder, etnoaýyldyń kórsetilimi bolady. Sondaı-aq elimizdiń zamanaýı mádenıetin kórsetetin kórkemóner sheberleriniń qatysýymen gala-kontsert qoıylady», - deıdi teatr rejısseri Valerıı Kúzembaev.
«Astana Balet» teatry parıjdik óner súıer qaýymǵa óziniń erekshe baǵdarlamasyn usynady: ulttyq mádenıettiń etnıkalyq notalary, «Aqqyz» jáne «Arýlar Sherýi» horeografııalyq mınıatıýralarymen jáne «LoveFearLoss» bir aktili baletiniń neoklassıkalyq stıldegi fragmenti.
Sonymen qatar, «Astana baleti» teatry Parıjdegi áıgili «SallePlueyel» kontserttik zalynda «LoveFearLoss», «Afuegolento» baletin, «Kleopatra» baletinen jáne «Uly dala murasy» baǵdarlamasynan úzindi kórsetedi.
«Uly dala murasy» baǵdarlamasy horeografııalyq mınıatıýralardy jáne ulttyq baı tústi baletterdiń fragmentterin qamtıdy. Barlyq kompozıtsııalar halyqtyq dástúrlerdiń, ámbebaptyqtyń, úlken emotsııalyq zarıadtardyń ózindik erekshelikterimen erekshelenedi. Ekspressıvti mýzyka men qaıtalanbaıtyn kórkemdik keskinderge baılanysty tereń áser qaldyrady.
«Uly dala murasy» - zamanaýı ulttyq baleti ol, jarqyn qarqyndy damyp kele jatqan ózindik ulttyq boıaýymen erekshelenetin kórinis.
Aıta keteıik, «Astana Balet» teatry álemdik ataqty teatr sahnalary: Máskeý men Sankt-Peterbýrgte (Reseı), Beıjińde (Qytaı), Parıj (Frantsııa), Vena (Avstrııa), Seýl (Koreıa), Býdapeshte (Vengrııa), Baký (Azerbaıjan), Nıý-Iork (AQSh), Tokıo (Japonııa), Varshava (Polsha) óz ónerlerin kórsetken bolatyn. Jas komanda ózindik qoltańba tabýǵa, qaıtalanbas shyǵarmashylyq qurýǵa, klassıkalyq murany barynsha saqtaı otyryp, jarqyn, umytylmas ınnovatsııalarmen plastıkalyq tildi baıytýǵa umtylýda.
