Astanadaǵy Balalar úıiniń óz zerthanasy bolady
ASTANA. QazAqparat - Astanadaǵy Balalar úıinde «Qstudy» bilim berý ortalyǵy ashyldy. Sharaǵa elorda ákimi Baqyt Sultanov qatysty, dep habarlaıdy QazAqparat tilshisi.
Osydan bir jyl buryn Astanadaǵy Balalar úıinde ákimniń tikeleı tapsyrmasymen bilim berýdiń jańa pılottyq jobasy qolǵa alynǵan bolatyn. Osy ýaqyt aralyǵynda mekemeniń ustazdary qala bıliginiń qoldaýymen bilim salasynda transformatsııalyq jańashyldyqqa jol ashty. Pılottyq joba óz nátıjesin berip, «Qstudy» jańa bilim berý ortalyǵy ashyldy.
Ortalyqta qajetti quraldarmen jabdyqtalǵan zerthana, kitaphana jáne sport zaly bar. Odan bólek, balalardy shyǵarmashylyqqa jáne eńbekke baýlý maqsatynda tigin tigý, aǵash sheberligi, qumyra jasaý, bı jáne sulýlyq úıirmeleri jumys isteı bastady.
«Balalar bizdiń bolashaǵymyz bolǵandyqtan, osyndaı ortalyqtardyń ashylýy qýantarlyq jaǵdaı. Bul óz kezeginde elimizdiń, elordamyzdyń damý satysynyń alǵa qadam basqanynyń aıqyn kórinisi. Ózderińiz biletindeı, Elbasy qoıǵan úlken tapsyrma bar. Ol - álemdegi damyǵan 30 eldiń qataryna qosylý. Osy jolda búgingideı zamanaýı turǵyda jabdyqtalǵan bilim berý ortalyqtarynyń ashylýy alǵa qoıǵan maqsatymyzǵa jetýimizdiń kepili», - dedi Astana qalasynyń ákimi Baqyt Sultanov.
Búginde ortalyqta 90 tárbıelenýshi bar. Tárbıeden bólek munda balalardyń oı-órisin keńeıtý maqsatynda birqatar jumystar júrgiziledi. Atap aıtsaq, bıyl 40 bala Túrkııada jazǵy demalystaryn ótkizip qaıtty. Taǵy 17 tárbıelenýshi Gonkong pen Dýbaıǵa jiberilmek.
Aıta keteıik, ortalyqtyń ashylýyna QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev qatysty. Ol mundaı oqý ortalyǵy elimizde alǵashqylardyń biri ekendigin atap ótti.
Saltanatty shara merekelik kontsert pen sporttyq estafetaǵa ulasty.
Illıýstratsııalyq foto
