Astanadaǵy Balalar úıinde dástúrli rızashylyq merekesi atalyp ótti

«Bóbek» qorynyń tóraıymy, Qazaqstannyń birinshi hanymy Sara Nazarbaevanyń bastamasymen osymen ekinshi ret ótkizilip otyrǵan rızashylyq meıramy aıasynda Balalar úıiniń «Adyrna» orkestri merekelik kontsert qoıyp, oqýshylardyń shyǵarmashylyq kórmesi uıymdastyryldy. Bıylǵy rızashylyq kúnine oraı «Bóbek» qaıyrymdylyq qory atynan Balalar úıinde jasyl jelek buryshy ashylyp, kitaphanaǵa álem ádebıetiniń úzdik 30 kitaby tabys etildi. Sondaı-aq búgin Balalar úıinde tárbıelenip jatqan jas jetkinshekterge arnaıy syılyqtar tabystaldy.

«Rızashylyq merekesi - bul búgingi jas urpaqty tárbıeleý jolyndaǵy ıgi shara. Sebebi osy kúni Balalar úıiniń tárbıelenýshileri ózderiniń ómirge, búgingi kúnge degen rızashylyq sezimderin mynaý shyǵarmashylyq ónerleri arqyly jetkize alady. Bıyl bul shara respýblıkalyq deńgeıde ótkizilip otyr», - deıdi Astana qalasy Bilim basqarmasynyń bastyǵy Ásıma Bımendına.