Astanadaǵy Balalar úıi jańa ǵımaratqa kóshedi
ASTANA. QazAqparat - Astana qalasynyń Mamandandyrylǵan balalar úıi jańa ǵımaratqa kóshedi, dep habarlaıdy QazAqparat tilshisi elordalyq Densaýlyq saqtaý basqarmasynyń baspasóz qyzmetine silteme jasap.
"Mamandandyrylǵan balalar úıinde Astana qalasy Densaýlyq saqtaý basqarmasynyń basshysy K.T.Nadyrovtyń tóraǵalyǵymen Qamqorshylyq Keńes ótti. Otyrys sońynda mekemeniń jańa ǵımaratyn salý josparlanyp, ondaǵy aýmaqty abattandyrý jáne Balalar úıiniń qyzmetkerlerin Ulttyq balalardy ońaltý ortalyǵynda oqytý máseleleri qarastyryldy", - dep habarlady baspasóz qyzmeti.
Sondaı-aq, jınalys aıasynda mekeme qyzmetiniń basym baǵyttary, ata-ana qamqorlyǵynsyz qalǵan balalardy asyraý men tárbıeleý, túsip jatqan demeýshilik kómekti oryndy paıdalaný máseleleri qaraldy.
Balalar úıi ata-ana qamqorlyǵynsyz qalǵan jáne organıkalyq dertke shaldyqqan balalardy tárbıeleıdi. Sondaı-aq, qaladaǵy kishkentaı turǵyndarǵa mamandandyrylǵan medıtsınalyq kómek kórsetedi.
Qazirgi ýaqytta 100 jatyn orny bar bul mekemede 54 bala tárbıelenedi. Qyzmetkerler 100% sertıfıkattandyrylǵan jáne árqaısysynyń jumys ótili 20 jyldan asady. 2017 jyly Balalar úıine 80 bala túsken. Onyń 31-i qyz baa bolsa, 49-y - ul bala.
