Astanadaǵy Balalar men jasóspirimder ortalyq kitaphanasynda B.Momyshulynyń 100 jyldyǵy atap ótildi
ASTANA. Qazannyń 26-sy. QazAqparat - Búgin Astanadaǵy Balalar men jasóspirimder ortalyq kitaphanasynda Keńes Odaǵynyń Batyry Baýyrjan Momyshulynyń týǵanyna 100 jyl tolýyn atap ótýge arnalǵan is-shara ótti.
Sharany «Ortalyqtandyrylǵan kitaphana júıesi» Memlekettik mekemesi men «Nur Otan» HDP-nyń Saryarqa aýdandyq fılıaly uıymdastyrdy.
Ondaǵy basty maqsat - balalardy qazaq halqynyń tarıhı-mádenı qundylyqtarymen, onyń dara tulǵalarymen tanystyryp, eki urpaq ókilderimen kezdesý ótkizý. Osy sebepti sharaǵa Uly Otan soǵysynyń ardagerleri shaqyryldy.
1942-1944 jyldary Stalıngrad túbindegi shaıqasqa qatysqan ardager Kárı Abıtov, jasóspirimderge ultjandy bolýǵa, búgingi beıbit ómirdiń múmkindikterin barynsha paıdalanyp, jan-jaqty bilim alýǵa, saýatty bolýǵa shaqyrdy. «Sebebi, meniń saýattylyǵym soǵys jyldarynda da qajettilikke jarady», - deıdi ol.
Balalarǵa B.Momyshulynyń ómiri, onyń eńbekteri men nagradalary týraly mol maǵlumattar berilip, Batyr týraly basqa avtorlardyń jazǵan týyndylary nazarǵa usynyldy.
