Astanadaǵy «Balaqaı» balabaqshasynda «Armysyń Áz Naýryz» merekesi ótti
ASTANA. QazAqparat - Ulystyń uly kúni - Naýryz meıramy qarsańynda Memlekettik tildi damytý qory Astana qalasynyń «Balaqaı» balabaqshasynda «Armysyń Áz Naýryz» merekesin ótkizdi.
Bul týraly atalǵan qordyń baspasóz qyzmeti habarlady.
Balalardy ulttyq salt-dástúrlermen tanystyrýǵa arnalǵan oıyndar uıymdastyryldy. Olar naýryzǵa baılanysty túrli suraqtarǵa jaýap berdi, sózder qurastyryp, sózjumbaqtardy sheshti, án aıtyp, bı bılep, sahnalyq kórinister qoıdy.
«Bul sharanyń maqsaty - balalardy qazaq halqynyń ádet-ǵurpy men salt-dástúrimen tanystyrý, otansúıgishtikke tárbıeleý, qazaq tilinde sóıleýge baýlý jáne balalardyń shyǵarmashylyq qabiletin arttyrý. Keshegi Aqordadaǵy kezdesýde Elbasy N.Nazarbaev: «Memlekettik tildi damytý el bolashaǵy úshin mańyzdy mánge ıe. Tildiń damýyna jan-jaqty kómek kórsetý kerek. Muny óskeleń urpaqtan bastaý qajet», - dep atap ótti. Jaqynda balalarǵa arnalǵan Bala.soyle.kz ınternet-portalyn jasadyq. Jumys isteı bastaǵan úsh aı ishinde kún saıyn 5-6 myń óskeleń urpaq ókili portaldyń kómegimen til úırenýde. Biz balabaqsha jáne balalar úılerimen, mekteptermen, joǵary oqý oryndarymen tikeleı jumys isteımiz», - dedi Memlekettik tildi damytý qorynyń dırektory Azat Shaýeev.
Іs-shara sońynda óskeleń urpaqty qazaq tilin úırenýin yntalandyrý maqsatynda Qor búldirshinderge memlekettik tildegi kitaptardy syıǵa tartty. Bul Qazaqstan halyqtarynyń ertegileri men mektepke deıngi balalarǵa arnalǵan tanymdyq ádebıet.
