Astanadaǵy balabaqshalar 100 paıyz beınekameramen qamtamasyz etilgen

NUR-SULTAN. QazAqparat – Elordanyń mektepke deıingi bilim berý uıymdary 100 paıyzǵa zamanaýı beınebaqylaý júıesimen qamtamasyz etildi. Bul týraly qalalyq Bilim basqarmasynyń basshysy Shákárim Seısenbaı aıtty, dep habarlaıdy QazAqparat tilshisi.

«2020 jylǵy 17 tamyzdan bastap Nur-Sultan qalasynyń Bas memlekettik sanıtarııalyq dárigeriniń qaýlysyna sáıkes balabaqshalar ár topta 15 baladan aspaıtyn toltyrýmen «kezekshi toptar» rejıminde jumys isteı bastady. Onyń ishinde 23 448 balaǵa arnalǵan memlekettik balabaqshada jáne 1 672 bala úshin jeke menshik balabaqsha da kezekshi top ashyldy. Ondaǵy basty máseleniń biri – balalardyń qaýipsizdigi. Osy oraıda balabaqshamen qatar onyń aýlasynda beınebaqylaý kameralary ornatyldy», - dedi Sh. Seısenbaı Nur-Sultan qalalyq Máslıhatynyń jalpy otyrysynda.

Bilim basqarmasynyń sózine qaraǵanda, búginde bas qala balabaqshalary túgeldeı derlik beınebaqylaý kamerlarymen qamtamasyz etilgen.

«Balabaqshalardy beınebaqylaýmen qamtamasyz etý maqsatynda bıýdjetten 215 mln 650 myń teńge qarjy jumsaldy. Ótken jyly qaladaǵy árbir balabaqshaǵa 24 beıne baqylaýdan barlyǵy 4 752 kamera ornatyldy. Osylaısha, barlyq bilim berý uıymdary 100% tsıfrlyq beınebaqylaýmen qamtamasyz etildi», - deıdi ol.

Buǵan deıin qalalyq bilim basqarmasynyń basshysy kórý jáne sóıleý qabiletinen aırylǵan balalarǵa arnalǵan balabaqsha ashylǵanyn málim etti.

Odan bólek, Nur-Sultan qalalyq máslıhatynyń jalpy otyrysynda bıyl 1 qyrkúıekten bastap elorda balabaqshalarynda vaýcherlik qarjylandyrý júıesi engiziletini aıtyldy.