Astanadaǵy azyq-túliktiń baǵasyn elektrondy júıe retteıdi
ASTANA. 1 tamyz. QazAqparat - Astanada iske qosylatyn «Taýar jetkizýshi júıe» atty elektrondy joba azyq-túlik ónimderiniń baǵasyn tómendetýge múmkindik beredi. Bul týraly Astananyń azyq-túlik beldeýin damytý máselesine arnalǵan jıynda qala ákiminiń orynbasary Ersaıyn Naǵaspaev málim etti.
Onyń aıtýynsha, sáýir-mamyr aılarynda atalǵan júıe synaqtan ótti. «Ol arqyly biz biryńǵaı logıstıkalyq júıeni qalyptastyrýdy kózdeımiz. Onda júk tasýshylar azyq-túlik ónimderin birden qoımaǵa jetkizedi. Sol jerden taýar barlyq qalaǵa taratylady. Tapsyrysty elektrondy túrde berip, onyń oryndalýyn on-laın rejımde baqylaýǵa múmkindik bar. Osynyń arqasynda logıstıka jáne qosymsha jumysqa jumsalatyn shyǵyndy qysqartyp, azyq-túliktiń baǵasyn arzandatýǵa bolady», - deıdi E.Naǵaspaev.
Aıta keteıik, jańa jobany 2013-2014 jyldary iske qosý josparlanyp otyr.
