Astanadaǵy «Azııa jańǵyryǵy» festıvaline 8 eldiń tsırk óneriniń úzdikteri qatysady
ASTANA. QazAqparat - Astana kúnine oraı ótetin bıylǵy «Azııa jańǵyryǵy» halyqaralyq festıvaliniń qatysýshylary 1-8 shilde aralyǵynda Astanalyq tsırkte kórermenderdi ónerlerimen tánti etpek.
Osy aıtýly jyl saıynǵy sharaǵa oraı búgin ótken baspasóz máslıhaty barysynda Astanalyq tsırk manejinde Astana turǵyndary men qonaqtaryna Qazaqstan, Qytaı, Vetnam, Ózbekstan, Reseı, Mońǵolııa, ıAkýtııa jáne Ýkraına ártisteri óner kórsetetetini aıtyldy. Olardyń kóbi - búkilálemdik festıval jeńimpazdary men laýreattary, óz janrlarynyń has sheberleri, tsırk áýletiniń urpaqtary. Uıymdastyrýshylardyń sózinshe, tsırk qoıylymdary festıvali ádettegideı qyzyqty da áserli bolmaqshy. Atap aıtqanda, festıval baǵdarlamasynda asqan sheber jonglerler, áýe gımnastshylary men akrobattar, kóńildi saıqymazaqtar ónerlerin ortaǵa salady, sondaı-aq úıretilgen túrli janýarlardy tamashalaýǵa bolady. Munymen qosa, búgin keshqurym «Azııa jańǵyryǵy» halyqaralyq tsırk óneri festıvali aıasynda qatysýshylardyń úrmeli orkestr súıemeldeýimen elorda kóshelerindegi «Kavalkada» merekelik sherýi uıymdastyrylady.
