Astanadaǵy aıyp turaqtarynda 30-dan astam qymbat djıp tur
ASTANA. QazAqparat - Astanadaǵy aıyp turaqtarynda 700-ge tarta kólik tur. Bul týraly «QazAqparatqa» Astana qalasy ІІD baspasóz qyzmetinen habarlandy.
«Astana qalasy boıynsha Tilendıev kóshesi men Alash tasjolynda ornalasqan eki kommýnaldy aıyppul turaǵy bar. Qazirgi ýaqytta bul eki turaqta 700-ge jýyq kólik bar. Astana qalasynyń kommýnaldy aıyppul turaǵyna kóp jaǵdaıda kólikti mas kúıinde basqarǵan júrgizýshilerdiń avtomobılderi, qujattary durys emes jáne jol-kólik oqıǵasyna tap bolǵan kólikter qoıylady»,-deıdi ІІD ókilderi.
Osy aptada júrgizilgen esepteýge qaraǵanda, Astana qalasyndaǵy aıyp turaqtarynda qymbat, jol talǵamaıtyn 30-dan astam kólik tur.
Aıta keteıik, QR ІІM Ákimshilik polıtsııa komıtetiniń málimetinshe, Qazaqstan boıynsha avtokólikterdiń 80 aıyp turaqtary jumys isteıdi. Osy rette Astana qalasynda - 2, Almaty qalasynda - 6, Aqmola oblysynda - 8, Aqtóbe oblysynda - 1, Almaty oblysynda - 9, Atyraý oblysynda - 2, ShQO - 4, Jambyl oblysynda - 12, BQO - 2, sondaı-aq Qaraǵandy oblysynda - 4, Qostanaı oblysynda- 1, Qyzylorda oblysynda - 7, Mańǵystaý oblysynda - 4, Pavlodar oblysynda - 4, SQO - 1 jáne OQO-da - 13 aıyp turaqtary bar.
Atap aıtqanda, QR Ákimshilik quqyqbuzýshylyq týraly kodeksine sáıkes, ustalǵan kólik quralyn saqtaý jergilikti atqarýshy organdardyń sheshimimen qurylǵan jáne kommýnaldyq menshik bolyp tabylatyn arnaıy alańdarda nemese turaqtarda júzege asyrylady.
