Astanadaǵy aıtystyń bas júldesin oraldyq aqyn alyp ketti
ASTANA. QazAqparat - Búgin elordada qala kúnine arnalǵan «Myńjyldyqtar toǵysyndaǵy Astana» kóshpeliler órkenıeti festıvali aıasynda osymen 9-ret ótkizilgen respýblıkalyq aqyndar aıtysy óz máresine jetti.
Qazylar alqasy úzdikterdi tańdaýda aıtyskerlerdiń túrli janrlarda aıtqan óleń joldaryna basa mán berdi. Osyndaı synnan súrinbeı ótken Oraldan kelgen aqyn Baýyrjan Shımerdın bas júldeni jeńip aldy. Al aqtóbelik aıtysker aqyn Ershat Qaıboldın birinshi oryndy ıelense, ekinshi orynǵa eki birdeı aqyn laıyq dep tanyldy. Olar - shymkenttik Dáýren Aqsaqalov pen qyzylordalyq Erjan Ámirov. Úzdik úshtikke birden tórt aqyn ıe boldy. Olar - túrkistandyq Turar Tileýlıev, tarazdyq Arýna Kerimbek, almatylyq Aıaýlym Jumabek jáne aqtóbelik Marat Ahmetovter.
