Astanadaǵy Aıǵanym kóshesinde kólik qozǵalysy shekteledi
ASTANA. QazAqparat – Elordalyq Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda PD ákimshilik polıtsııa basqarmasymen kelise otyryp, Aıǵanym kóshesinde jóndeý jumysyn bastaıdy, dep habarlaıdy QazAqparat Astana ákimdiginiń resmı saıtyna silteme jasap.
Jóndeý jumystaryna baılanysty osy jyldyń 13-15 maýsym kúnderi aralyǵynda Q.Muhamedhanov kóshesinen Qyz Jibek kóshesine deıingi Aıǵanym kóshesiniń ýchaskesinde kólik qozǵalysy tolyǵymen shekteletin bolady.
Elorda turǵyndary men qonaqtary joldardaǵy keptelis jaǵdaılaryn týdyrmas úshin qozǵalys baǵytyn aldyn ala josparlaýy qajet.
Buǵan deıin Astanadaǵy Jánibek Tarhan kóshesiniń avtojol tósemine ortasha jóndeý jumystary bastalǵanyn jazǵan edik.
Sonymen qatar jóndeý jumystaryna baılanysty elordanyń Toqtarov kóshesindegi jol ýchaskesi jabylady.
