Astanadaǵy avtokólik jarylysy boıynsha qylmystyq is qozǵaldy - ІІD
ASTANA. 24 mamyr. QazAqparat /Qanat Mámetqazyuly/ - Astana qalasynda 24 mamyr 2011 jyly 03 saǵat 37 mınýtta Shyntas kóshesi qıylysyndaǵy №6 úıdiń aldyndaǵy alańqaıda oryn alǵan avtokólik jarylysyna oraı qylmystyq is qozǵaldy.
Bul týraly búgin Іshki ister departamentinde ótken baspasóz máslıhatynda málim boldy.
«Qylmystyq is QR Qylmystyq kodeksiniń 188-babyn negizge ala otyryp «otpen nemese qaýiptiligi asa joǵary basqa da zattardy abaısyz qoldaný saldarynan joıǵany nemese bótenniń múlkine zaqym keltirgeni» faktisi boıynsha qozǵaldy», - deıdi Astana qalasy ІІD baspasóz hatshysy Nurdildá Oraz.
Esterińizge sala keteıik, seısenbige qaraǵan túnde Astana qalasy Shyntas kóshesinde avtokólik jarylysy oryn alyp, keıinnen onyń ishinen eki er adamnyń máıiti tabylǵan bolatyn. ІІM tarapynan atalmysh fakti boıynsha «oqıǵada terrorıstik akti belgileriniń joqtyǵy kýálandyrylǵandyǵy» habarlanǵan bolatyn.
