Astanadaǵy avtobýstardyń júrgizýshileri esirtkini anyqtaý testisinen ótkizilmek
ASTANA. 2 naýryz. QazAqparat - Búgin elordalyq Іshki ister departamenti qaladaǵy qoǵamdyq kólik júrgizýshilerdi esirtkini anyqtaý testisinen ótkizýdi usyndy.
Bul usynysty Astananyń ІІD Esirtki bıznesine qarsy kúres basqarmasynyń bólim bastyǵy Sergeı Ilınyh aıtty.
Osy máselege baılanysty ótken kezdesýge elordadaǵy avtobýs parkteriniń basshylary men jol polıtsııasynyń qyzmetkerleri, sondaı-aq Jolaýshylar tasymaly jáne avtokólik joldary basqarmasynyń ókilderi qatysty
«Avtoparkterde dáriger-narkologtardyń kabınetin ashýdy usynyp otyrmyz. Bul sharalar jolaýshylar kólikteri júrgizýshileriniń esirtki paıdalanýyna jol bermes úshin iske asyrylmaq. Sebebi olar ózderiniń ǵana emes, sonymen qatar jolaýshylardyń da ómirine jaýapty», - dep toqtaldy ol.
S. Ilınyhtyń sózine qaraǵanda, anonımdi senim telefony arqyly bir júrgizýshige shaǵym túsken kórinedi. Bul másele qazirgi kezde tekserilip jatyr. «Eger bul aqparat rastalǵan jaǵdaıda qosymsha aqparat beretin bolamyz», - dedi ol.
«Ótken jyly qaladaǵy qoǵamdyq kóliktiń úsh júrgizýshisi kólikti mas kúıinde júrgizgeni úshin ustalǵan bolatyn. Jalpy, esirtki paıdalanyp, avtobýsqa otyrǵan júrgizýshiler tirkelmegen», - dedi S. Ilınyh.
Onyń paıymdaýynsha, osy sharany iske asyrýǵa baılanysty jaýapty mekemeler arasynda yntymaqtastyq týraly tıisti memorandým bekitiletin bolady.
Bólim bastyǵynyń aıtýynsha, esirtki testisiniń baǵasy dárihanalarda 400-800 teńge aralyǵynda turady.
Elordalyq avtobýs parkteriniń basshylary atalǵan jıyn barysynda osyndaı esirtkige tekserý sharasyn ótkizýge kelisti. Olardyń sózine qaraǵanda, búginde avtoparkterde tájirıbeli medıtsınalyq qyzmetkerler júrgizýshiler marshrýtqa shyǵardyń aldynda tekserýden ótkizedi. Olar júrgizýshilerdiń densaýlyǵy durys bolmasa nemese alkogoldik ishimdik paıdalansa birden anyqtaýǵa qaýqarly.
