Astanadaǵy avtobýstarda júrgizýshiler nege turaqtamaıdy
ASTANA. QazAqparat - «Astana LRT» tarapy qalalyq avtobýstarda keıbir baǵdarlardyń júrýi boıynsha ýaqyt aralyǵynyń uzarýy sebebin túsindirdi, dep habarlaıdy QazAqparat.
«Qazirgi kezde júrgizýshiler jetispeı jatyr, bul óz kezeginde avtobýstyń júrýi boıynsha ýaqyt aralyǵynyń uzarýyna alyp kelýde. Sáıkesinshe, jolaýshylar keıbir baǵdarlardy uzaq kútip qalatyndyǵy týraly eskertýlerin aıtýda. Avtoparkterdiń birinde shynymen de júrgizýshiler ózderiniń jumystarynan ketip jatyr», - dedi «Astana LRT» JShS-nyń baspasóz hatshysy Naýat Azanbaeva.
Sonymen qatar ol qoǵamdyq kólik júrgizýshileriniń nelikten qyzmetterinen ketip jatqandyǵy týraly óziniń pikirimen bólisti.
«Meniń oıymsha, júıedegi úrdisterdiń ashyqtyǵy qamtamasyz etilýde, sondyqtan olar «qosymsha tabystarynan» qaǵylýda. Olar mindetti túrde bılet berýi tıis, sonymen birge qolma-qol aqshamen esep aıyrysý múmkindigi azaıyp keledi. Buryndary olarda aqshanyń bir bóligin «ózderiniń qaltasyna» salý múmkindigi boldy, al qazir barlyǵy ashyq júrgiziledi», - dedi N. Azanbaeva.
Onyń sózine qaraǵanda, dıfferentsııalanǵan tarıfti engizý - avtobýs júrgizýshileri quramynyń sapasyna da ońtaıly yqpal etedi.
«Avtobýstardy jalǵa alyp júrgen jáne tasymaldaýshylar shtatynda bolmaǵan keıbir júrgizýshiler osyndaı rejimde jumys isteýden bas tartyp jatyr. Sońǵy aptada kólik kartalaryn paıdalanýshylar úlesi 85 paıyzdan asqandyqtan, qolma-qol aqshamen júretinder aıtarlyqtaı azaıdy. ıAǵnı, osy jaǵdaılar tólem júıesiniń ashyqtyǵy qalyptasqanyn bildiredi», - dedi N. Azanbaeva.
