Astanadaǵy avtobýstarda qolma-qol jolaqy tóleý júıesi joıylmaıdy
ASTANA. QazAqparat - Astananyń qoǵamdyq kólikterinde elektrondy tólem júıesi engizilgen soń da qolma qol jolaqy tóleýge múmkindik bolady. Bul týraly "Astana LRT" AQ tólem júıeler ortalyǵynyń jetekshisi Sergeı Popov məlim etti.
Ol bul məselede Almatydaǵy "Ońaı" júıesiniń olqylyqtary eskerildi dep atap ótti.
"Biz qolma-qol tólem júıesin joımaımyz. Eger kartochkańyz bolmasa, avtobýs júrgizýshisine baryp, aqsha tóleısiz. Ol sizge bılet shyǵaryp beredi, bılette jol júrgen ýaqytyńyz, QR-kod jazylyp turady",-dep məlim etti S.Popov.
"ASTRA PLAT" elektrondy tólem júıesi jýyrda, dəlirek aıtsaq, 31 mamyrda qala mańynda júretin avtobýstar men ekspress avtobýstarda iske qosylady. Al, jaz boıy qaladaǵy búkil avtobýstarǵa osy elektrondy tólem júıesi ornatylady dep josparlanýda. Mamyr aıynyń sońyna deıin oqýshylar men jeńildikpen júretin azamattarǵa ataýly kartalar taratylady. Al, jaı kartochkalardy satatyn oryndar men olardyń baǵasy əli pysyqtalyp jatyr.
