Astanadaǵy avtobýs júrgizýshileriniń eńbekaqysy 500 myń teńgege jetkizilmek
ASTANA. QazAqparat - Astanadaǵy qoǵamdyq kólik júrgizýshileriniń eńbekaqysy ósedi, dep habarlaıdy QazAqparat.
«Qazirgi kezde tasymaldaýshylar básekelik talaptar boıynsha eńbekaqyny belgileıdi. Keıbireýleri onyń deńgeıin 400 myń teńgege qoısa, qalǵandary 500 myń teńge tóleýge ázir ekenin aıtýda. Sondyqtan avtobýs júrgizýshisi ornyna úlken konkýrs bolady. Osyndaı eńbekaqy alý úshin shtatta jumys istep, óziniń tabysyn ashyq kórsetýi tıis», - dedi «QazAqparat» tilshisine «Astana LRT» JShS-nyń baspasóz hatshysy Naýat Azanbaeva.
Onyń sózine qaraǵanda, qoǵamdyq kólik júrgizýshileriniń áleýmettik jaǵdaıyn jaqsartýǵa jergilikti bılik tarapynan sýbsıdııalaý kómektesedi.
«Avtoparkter sýbsıdııalaýǵa kóship jatyr. Alaıda sýbsıdııany alý úshin barlyq sharalar ashyq bolýy kerek. Tabys boıynsha, júrgizýshilerdiń eńbekaqysy, salyq tólemderi turǵysynda esepter usynýy qajet. Qazir biz osylardy talap etýdemiz. Óıtkeni onsyz sýbsıdııany alý múmkindigi joq», - dep túsindirdi ol.
«Tasymaldaýshylar bir jolaýshynyń jol júrýi 301 teńgege teń ekenin aıtýda. Óz kezeginde ákimdik bul soma tym kóp ekenin alǵa tartyp, qosymsha jáne basqa da shyǵyndardy azaıta otyryp, qaıta esepteý sharalaryn júrgizýdi surady. Nátıjesinde, 198 teńge deńgeıindegi kórsetkish shyqty, al jolaýshylar 90 teńge tóleıdi. Ákimdik árbir jolaýshy úshin parkterge 108 teńge qosymsha tóleıdi», - dedi N. Azanbaeva.
Belgili bolǵandaı, qazirgi kezde avtobýstarǵa júrgizýshilerdi irikteý júrip jatyr. Biliktilikti arttyrýdan ótkennen keıin, olar jumysqa ornalastyrylady.
Budan buryn habarlanǵandaı, dıfferentsııalanǵan tarıf engizilgen soń jáne jolaýshylardyń jappaı kóliktik kartalarǵa kóshýi avtobýstaǵy kóptegen júrgizýshilerdiń jumystan ketýine sebep boldy.
Sonyń saldarynan qalalyq avtobýstarda keıbir baǵdarlardyń júrýi boıynsha ýaqyt aralyǵynyń uzarýy baıqalyp otyr.
