Astanadaǵy avtobýs parkteri tekserýden ótkiziledi
ASTANA. QazAqparat - Astana qalasynyń kólik joldarynda jol apaty saldaryn tómendetý jáne jolaýshylardy tasymaldaıtyn qoǵamdyq kólik júrgizýshileriniń tártibin arttyrý maqsatynda 14-16 qazan aralyǵynda elordada «Avtobýs» jedel-profılaktıkalyq is-sharasy ótedi, dep habarlaıdy elorda ákimdiginiń baspasóz qyzmetinen.
Astana ІІD Ákimshilik polıtsııa habarlaýynsha, qala aýmaǵynda jolaýshylardy tasymaldaý salasynda jumys isteıtin 8 mekemeniń quramynda 700 qoǵamdyq kólik pen 13 resmı taksopark bar. «Avtobýs» jedel-profılaktıkalyq is-sharasy aıasynda qoǵamdyq kólikter men taksı júrgizýshileriniń jol qozǵalysy erejelerin saqtamaýynyń aldyn alý maqsatynda reıdtik sharalar júrgiziledi. Astana qalasynyń kólikti qadaǵalaý ınspektsııasy ókilderimen birlese otyryp polıtsııa qyzmetkerleri barlyq avtobýs parkterinde avtobýstardyń jolǵa shyǵar aldyndaǵy tehnıkalyq jaǵadaıyn tekseredi, sonymen qatar júrgizýshilerdiń tirkeý qujattarynyń bolýyn, avtobýstardyń normatıvtik talaptary men standarttaryn, júrgizýshilerdiń jáne avtobýstardyń medıtsınalyq jáne tehnıkalyq qamtylýyn, júrgizýshilerdiń eńbek jáne demalys ýaqytyn qadaǵalaý boıynsha sharalar ótkizedi.
