Astanadaǵy avtobýs parki jumysshylaryna eńbekaqy tólemeı kelgen

ASTANA. QazAqparat - Astana qalasy prokýratýrasy № 2 avtobýs parkindegi 100-den astam jumysshynyń eńbek quqyǵyn qorǵady, dep habarlaıdy QazAqparat.

Baıqońyr aýdany prokýratýrasy turǵyndarmen kezdesý barysynda eńbekaqy boıynsha iri somada qaryz bar ekendigi anyqtaldy.

Belgili bolǵandaı, qurylyspen aınalysatyn kásiporyn ıesi eńbek sharttaryn jasamaı, uzaq ýaqyt boıy 54 jumysshynyń jalaqysyn bermeı kelgen. Prokýratýra talaby boıynsha atalǵan adamdarmen tıisti sharttar jasalyp, 3,5 mln teńge somasynda eńbekaqy qaryzy tólendi.

«Osydaı fakti «№2 avtobýs parki» JShS-da anyqtaldy. Bul turǵyda tıisti sharalardyń arqasynda 128 jumysshynyń eńbek quqyǵy qalpyna keltirilip, olarǵa 12 mln teńge kólemindegi jalaqysy tólendi. Osy is boıynsha kináliler ákimshilik jaýapkershilikke tartyldy», - delingen Astana prokýratýrasynyń málimetinde.