Astanadaǵy aýrýhanalar men emhanalarǵa QR-kod engizildi
«QR-kod bizge densaýlyq saqtaý salasyndaǵy alaıaqtyq máselesin júıeli túrde sheshýge múmkindik berdi. Buryn ınternette jalǵan eńbekke jaramsyzdyq paraǵyn jasaıtyn habarlandyrýlardy kóptep kezdestiretin edik. Buny qoldan jasalǵan qujattardyń uıymdasqan aınalymy dese de bolady. Qazir mundaı habarlandyrýlar is júzinde joǵalyp ketti. Bul problema tsıfrlandyrý arqyly sheshildi. Biz úshin mańyzdy. Atalǵan qyzmetti SmartAstana tegin qosymshasyn ornatý arqyly paıdalanýǵa bolady», - dedi M.Bekturova qalalyq ákimdik otyrysynda.
Onyń aıtýynsha, búgingi tańda elordanyń barlyq emhanalary men aýrýhanalary tolyq QR-kodtarmen jabdyqtalǵan jáne 083ý, 086ý, 094, 095 formasyndaǵy medıtsınalyq anyqtamalardy QR-kod kómegimen tekserýge bolady.
«Búgingi tańda Astana emhanalary beretin barlyq aýrýhanalyq paraqtarda QR-kodtar bar. Eńbekke jaramsyzdyq paraǵy nemese anyqtama QR-kodyn qoldan ázirleý múmkin emes. Jarnama ornalastyrǵan adamdarǵa senseńiz de, mundaı paraqty nemese anyqtamany satyp alyp, ony kadr qyzmetine ákelgenińizben, onyń jalǵandyǵy ońaı anyqtalady», - deıdi ol.
Osyǵan deıin Astanada SMS arqyly jolaqy tóleı alatyn uıaly baılanys abonentteriniń sany artqandyǵy habarlandy.