Astanadaǵy aýlalardy abattandyrýǵa 1,4 mlrd teńge bólinedi
ASTANA. QazAqparat - 2018 jyly elordada 160 aýlany jaqsartýǵa 1,4 mlrd teńge qarastyrylǵan. Jergilikti bıýdjetti naqtylaý kezinde bul soma ulǵaıtylýy múmkin. Bul týraly Astana qalasynyń ákimi Áset Iseekshev QR Prezıdentiniń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn talqylaýǵa arnalǵan aktıvdegi kezdesýinde málimdedi, dep habarlaıdy Elorda Info.
«Qazirgi ýaqytta Astanada 1 536 aýla bar. Bıyl 160 aýlany jaqsartýǵa 1,4 mlrd teńge qarastyrylǵan. Qazir aýdan ákimdikterimen qosymsha qajetti somany jergilikti bıýdjetti naqtylaý kezinde qarastyramyz. Eger qajet bolyp jatsa onda qajettilikke qaraı somany kóbeıtemiz. Óıtkeni qala turǵyndaryna jaqsy aýla - ómir súrý sapasyn arttyrý úshin mańyzdy jaǵdaılardyń biri», - dedi Áset Isekeshev.
Sondaı-aq, bıylǵy jyly turǵyn úı ǵımarattaryndaǵy lıftilerdi de aýystyrý jumystary jalǵastyryldy. Bul úshin bıýdjetten 260 mln teńge qarastyrylǵan. 2017 jyly ákimdik turǵyn úılerdegi 96 problemaly lıftilerdi aýystyrdy.
