Astanadaǵy aýqatty kottedjderdi tonaýmen aınalysqan qylmystyq top ustaldy - ІІM
ASTANA. 9 aqpan. QazAqparat /Arman Asqarov/ - Krımınaldyq polıtsııa qyzmetkerleri Astanadaǵy aýqatty kottedjderdi tonaýmen aınalysqan qylmystyq topty Semeı qalasynda ustady.
Bul týraly búgin QR Іshki ister mınıstrliginiń resmı ókili Qýanyshbek Jumanov málim etti.
Onyń habarlaýynsha, 22-26 jas aralyǵyndaǵy tórt qylmysker - Astana qalasynyń turǵyny. Astananyń aýqatty aýdandaryndaǵy kottedjderdi tonaýmen aınalysqandar ótken jyldyń qarasha-jeltoqsan aılarynda plastıkalyq terezelerdi ashý arqyly úsh birdeı úıdi tonaǵan. Máselen, jeltoqsan aıynda atalǵan qylmystyq top 35 jastaǵy jergilikti turǵynnyń úıine kirip, 160 myń AQSh dollary men jeke múlkin urlap ketken. Sondaı-aq kelesi kúni olar 59 jastaǵy jergilikti turǵynnyń úıinen iri somadaǵy aqshasy men altyn buıymdaryn urlap, jábirlenýshige 9,5 mıllıon teńgege shyǵyn keltirgen. «Qazirgi kezde kúdiktilerden 6 myńǵa jýyq AQSh dollary jáne altyn buıymdary tárkilenip otyr», - deıdi Q.Jumanov.
