Astanadaǵy áýejaıǵa jarylǵysh zat qoıylǵany týraly jalǵan habar taralǵan

NUR-SULTAN. QazAqparat - Astanada áýejaıǵa jarylǵysh zat qoıylǵany týraly jalǵan habar taraldy, dep habarlaıdy QazAqparat QR Terrorızmge qarsy ortalyǵynyń baspasóz qyzmetine silteme jasap.

18 sáýir kúni keshke N.Nazarbaev halyqaralyq áýejaıynyń elektrondy poshtasyna «áýe aılaǵyna mına qoıylǵany « týraly anonımdi eki habarlama kelip túsken.

Oqıǵa ornyna dereý jedel áreket etý qyzmeti kelip, nysandy teksergenimen jarylǵysh qurylǵylar men zattar tabylmady.

Tártip saqshylary jalǵan habarlamany taratqan adamdy anyqtaý maqsatynda jedel-izdestirý sharalaryn júrgizýde.

Atalǵan fakti boıynsha QR QK 273 baby «Terrorızm týraly kórineý jalǵan aqparat taratý» negizinde (5 aılyq eseptik kórsetkish kóleminde aıyppul salý nemese osy mólsherdegi somaǵa túzetý jumystaryna jegý, sondaı-aq 5 jylǵa deıin bas bostandyǵyn shekteý men osy merzimge bas bostandyǵynan aıyrý jazasy qarastyrylǵan) jaýapkershilik qarastyrylǵan.