Astanadaǵy áýejaıda órt qaýipsizdigine qatysty oqý-jattyǵý ótkiziledi
ASTANA. QazAqparat - Astanadaǵy Nursultan Nazarbaev halyqaralyq áýejaıynda órt qaýipsizdigine qatysty josparly oqý-jattyǵý ótedi, dep habarlaıdy QazAqparat áýejaıdyń baspasóz qyzmetine silteme jasap.
«28 aqpanda saǵat 14:30-da elorda áýejaıynda órt qaýipsizdigine qatysty josparly oqý-jattyǵý ótedi. Oǵan áýejaıdyń ushýlardy órtten jáne apattan qutqarýdy qamtamasyz etý qyzmeti jáne Astana qalasynyń «Órt sóndirý jáne apattyq-qutqarý jumystary qyzmeti» MM qatysady», - delingen habarlamada.
Áýejaı qyzmeti oqý-jattyǵý kezinde jolaýshylar men termınalǵa kelip ketýshilerdiń sharaǵa túsinistikpen qarap, sabyr saqtaýyn suraıdy.
Sharanyń maqsaty - jalyndy sóndirý kezinde adamdar men materıaldyq qundylyqtardy qaýipsiz jerge kóshirý úshin órt sóndirý bólimsheleriniń áýejaı qyzmetkerlerimen ózara is-qımylyn qamtamasyz etý.
