ASTANADAǴY ÁÝE PARADY: Ushqyshtar aspanǵa Uly Jeńistiń mereıtoıyn bildiretin «70» sanyn jazdy

ASTANA. QazAqparat - Astana aspanyn áskerı ushaqtardyń qıyn manevrleri men erekshe qımyldarymen qubyltyp jibergen áýe parady aıaqtaldy. Bul Uly Otan soǵysyndaǵy Jeńistiń 70 jyldyǵyna jáne Otan qorǵaýshy kúnine arnalǵan áskerı sherýdiń eń qyzyqty da kórkem tusy boldy.

Birinshiden, búgingi paradtyń tarıhı ereksheligi - QR Qarýly kúshteriniń tarıhynda alǵash ret qazaqstandyq Áskerı-áýe kúshteriniń sapyn tolyqtyrǵan 4++ býynyna jatatyn jańa joǵary manevrli Sý-30MS joıǵysh ushaǵynyń qatysýy.

Ekinshiden, áskerı ushqyshtar jeke jáne pılotajdy top quramynda joǵarǵy pılotaj fıgýralaryn oryndap, óz sheberlikterin kórsete bildi, sondaı-aq áýede Uly Jeńistiń mereıtoıyn bildiretin «70» sanyn jazdy.