Astanadaǵy aýa-raıynyń jaısyzdyǵy: Barlyq avtobýstar kidirissiz júre beredi
ASTANA. QazAqparat - «Astana LRT» kompanııasynda qoǵamdyq kólikterdiń qozǵalysy kidirissiz jalǵasa beretini aıtyldy, dep habarlaıdy QazAqparat tilshisi.
«Barlyq avtobýs baǵdarlary qalypty rejimde júrip jatyr, kidiris joq. Keshe avtobýstardyń synyp nemese toqtap qalý yqtımaldylyǵyna baılanysty kidirister bolǵan», - dep habarlady kompanııanyń baspasóz hatshysy Naýat Azanbaeva.
Sonymen birge, ol qalalyq marshrýttardyń biriniń qozǵalysynda ózgeris bar ekenin eskertip ótti.
«21 avtobýs jóndeý jumystaryna baılanysty qozǵalysyn ózgertti. Atalmysh avtobýs Panfılov kóshesimen júrmeıtin boldy», - deıdi Naýat Azanbaeva.
Aıta ketsek, keshe qattyń nóserdiń saldarynan birneshe kóshede keptelis týyndaǵan bolatyn. Osynyń saldarynan birneshe baǵdarǵa ózgeris engizilgen bolatyn.
