Astanadaǵy aýa raıy ózgergenimen, EQYU Sammıti delegatsııalary ushaqtarynyń ushý kestelerinde ózgerister joq
ASTANA. 2 jeltoqsan. QazAqparat /Gúlmıra Álıakparova/ - Astanadaǵy aýa raıy ózgergenimen, EQYU Sammıti delegatsııalary ushaqtarynyń ushý kestelerinde ózgerister joq. Bul týraly QazAqparat tilshilerine Astana áýejaıynan málim etti.
«Aýa-raıy jaǵdaılaryna baılanysty shekteýler bolýy yqtımal edi. Biraq ázirge EQYU Sammıtine qatysýshy delegatsııalardyń ushaqtarynyń ushý kestelerinde ózgerister joq, ıaǵnı ushaqtardyń ushýy boınysha irkilister josparlanyp otyrǵan joq», - dep naqtylady Astana áýejaıynan.
Aıta keteıik, «Qazgıdromettiń» boljaýynsha, 2 jeltoqsan kúni Astanada ekpini 17-22 metr/sekýndqa jetetin qatty jel turady, ol batystan, keıinnen soltústik-batys baǵytynan soǵady, burqasyn bolady. Aýa temperatýrasy túnde jáne kúndiz 10-12 gradýs aıazǵa deıin tómendeıdi.
