Astanadaǵy áskerı sherýge 75-ten astam áýe tehnıkasy qatysady

ASTANA. QazAqparat - 7 mamyrda Astanadaǵy áskerı sherýde 75-ten astam áýe tehnıkasy qatysady. Bul týraly búgin Ortalyq kommýnıkatsııalar qyzmetinde ótken brıfıngte parad basshysy, QR QK Qurlyq áskerleriniń bas qolbasshysy, general-leıtenant Murat Maıkeev málim etti.

"Áskerı sherýge 2,5 myńnan astam adam, 250 tehnıka men 75 áýe tehnıkasy qatysady. Sherý - bizdiń qýatymyzdy kórsetý, jastarymyzdyń patrıottyq sezimderin kúsheıtý jáne rýhymyzdy kóterý", - dep atap ótti ol.

Onyń aıtýynsha, sherýde otandyq tehnıka da kórsetiletin bolady.

Ol sondaı-aq, Qorǵanys mınıstrligi áskerı sherýge tolyǵymen daıyn ekendigin habarlady.