Astanadaǵy áskerı sherýdi «Jas ulan» respýblıkalyq mektebiniń barabanshylar rotasy ashty
Paradty Keńes Odaǵynyń batyry, Halyq Qaharmany, Armııa Generaly Saǵadat Nurmaǵanbetov atyndaǵy «Jas ulan» respýblıkalyq mektebiniń barabanshylar rotasy ashty. Barabanshylardyń sapynda 10-synyp ulandary kele jatty. Olar Qazaqstannyń barlyq óńirleriniń ókilderi, oqý jáne sport ozattary, olardyń ishinde Nurtas Qadyrov, Aqtóre Estaev, Sergeı Karpın, Nurlybek Nurtash bar. Barabanshylardyń paradtyq esep tobyn «Jas ulan» respýblıkalyq mektebiniń bastyǵy, «Jaýyngerlik erligi úshin» medaliniń ıegeri, QR bilim berý isiniń qurmetti qyzmetkeri, polkovnık Marat Botın bastap ótti.
Aıta keteıik, 1999 jylǵy 4 qarashada mekteptiń ashylý rásimi, osy mektepti ashý ıdeıasyn usynǵan Memleket Basshysy QR Prezıdenti Nursultan Nazarbaevtyń qatysýymen ótti. Mektepke ómiri men eńbegi jas otan qorǵaýshylar úshin úlgi bolyp tabylatyn Armııa generaly Saǵadat Nurmaǵanbetovtiń esimi berildi. Mektep 2002 jyldan bastap 500-den astam túlekti daıyndap shyǵardy. Olardyń negizgi bóligi óz ómirlerin otanǵa qyzmet etýge arnady. Mektep túlekteri - 21 ǵasyrdaǵy táýelsiz Qazaqstan Áskeriniń bolashaǵy.