Astanadaǵy áskerı sherýde Qazaqstanda jasalǵan «Eurocopter» tikushaqtary ózderiniń múmkindikterin pash etti
ASTANA. QazAqparat - Astanadaǵy áskerı sherýde alań ústimen QR Tótenshe jaǵdaılar mınıstrliginiń Qazaqstanda jasalǵan «ES-145 Eurocopter» tikushaqtary ushyp ótip, ózderiniń múmkindikterin kórsetti.
Bul ushý apparattary izdeý, apattan qutqarý jáne medıtsınalyq tasymaldaý jumystaryn júrgizý maqsatynda qoldanylady. TJM-niń tik ushaq ekıpajdary kez kelgen ýaqytta kómekke kelýge ázir. Ushqyshtardyń urany - «Jedel járdem janyńda!» Sońǵy bir jyldyń ózinde 396 márte shuǵyl ushyp, nátıjesinde 348 adamdy qutqaryp, 19-yna medıtsınalyq járdem kórsetti.
Sonymen qatar tikushaqtar Qazaqstannyń Áskerı Áýe Kúshterinde de qoldanylýda. Olardyń legin avıatsııalyq bazanyń komandıri, podpolkovnık Talǵat Syzdyqov bastap ótken bolatyn. ES-145 asa tıimdi jáne óte jeńil tikushaq bolyp tabylady. Ol shýy tómen jáne óte berik eki qozǵaltqyshpen jaraqtalǵan.
