Astanadaǵy áskerı paradta soǵys tehnıkalary tarıhı jáne zamanaýı úlgide kórsetildi

Paradqa qatysý úshin soǵys kezinde paıdalanylǵan 40-qa jýyq qarý-jaraq, áskerı jáne avıatsııalyq tehnıkalar jóndeýden ótkizilgen. Áskerı paradtyń tarıhı bóliminde Uly Otan soǵysy jyldarynda qoldanylǵan tehnıkanyń 36 túri iske qosylǵan. Olardyń ishinde, 27 áskerı tehnıka men qarý-jaraq (T-34 tanki, ZIS-2 zeńbiregi jáne M-30 gaýbıtsaly ZıL-157, tanymal BM-13 RS-30 «Katıýshasy» jáne «Maksım» pýlemeti), sondaı-aq, 9 ushý quraldary (AN-2 jáne TL-2000) bar.

Paradqa qatysqan áskerı tehnıkalardyń kóshin T-34 tanki, ZıL-157 súıretken ZIS-2 zeńbirekteri jáne M-30 gaýbıtsalary, aty ańyzǵa aınalǵan BI13 RS-30 «Katıýsha» tehnıkalary bastady. Sonymen qatar, «Maksım» pýlemeti, RPD (Degtıarea qol pýlemeti), PPSh (Shpagın tapansha-pýlemeti) parad tizbegin jalǵastyrdy.

«Paradqa qatysqan qazirgi tehnıkalarǵa toqtalsaq, zamanaýı tehnıkalar sherýin basqarylatyn qarýmen jaraqtandyrylǵan T-72B tanki bastady. Budan ózge, alańda tankterdi qoldaý jaýyngerlik mashınalary, sońǵy jyldary qazaqstandyq armııanyń sapyna qosylǵan jaýyngerlik mashınalar, «Solntsepek» jaıaý ásker jaýyngerlik mashınalary, BTR-82 bronetransporterleri, D-30, «MSTA» gaýbıtsalary, KamAZ, avtokólikteri «Tıgr» brondy kólikteri, «Korba» jaýyngerlik barlaý kólikteri jáne basqa da zamanaýı áskerı tehnıkalar júrip ótti.

Búgingi Otan qorǵaýshy kúni jáne Jeńistiń 70 jyldyǵyna oraı uıymdastyrylǵan merekelik áskerı parad - elimizdiń Qarýly Kúshteri tarıhyndaǵy eleýli oqıǵa bolǵany anyq. Bul qazaqstandyq áskerı kúshterdiń barlyq túri qatysqan jáne aýqymy jaǵynan buryn-sońdy bolmaǵan asa iri mereıtoılyq shara ekeni daýsyz.