Astanadaǵy áskerı paradta eń kóne soǵys zeńbirekteri kórsetildi
ASTANA. QazAqparat - Astanada Otan qorǵaýshy kúni jáne Jeńistiń 70 jyldyǵyna oraı uıymdastyrylǵan merekelik áskerı paradta soǵys jyldarynda paıdalanylǵan eń kóne zeńbirekter kórsetildi.
Olardyń biri - jetekke alýǵa arnalǵan ZIL-157. Bul tehnıka qarýlardy jetekke alýǵa, túrli júkter men jeke quramdy tasymaldaýǵa arnalǵan.
Taktıkalyq-tehnıkalyq sıpattamalary: júk kótergishtigi - 3750 kg, jaraqty salmaǵy - 6135 kg, tolyq salmaǵy - 10185 kg, 60 km/saǵ jyldamdyǵyndaǵy janarmaı shyǵyny - 35,0 l, tirkemeniń múmkin bolatyn tolyq salmaǵy - 3750 kg.
Sonymen qatar áskerı paradta jurt nazaryna usynylǵan 57 mm ZIS-2 tank buzar zeńbiregi de Uly Otan soǵysy kezeńindegi keńestik qarýlardyń biri. Bul 1940 jyly ázirlengen, sol ýaqyttaǵy álemdegi eń kúshti tank buzar zeńbirek bolǵan.
Taktıkalyq-tehnıkalyq sıpattamalary: qarýdyń salmaǵy 1050 kg., týra atý qashyqtyǵy 1120 m., atý shapshańdyǵy 25 atys/mın. Barlyǵy 13710 birlik jasalyp shyǵarylǵan. Keıbir memleketter áskerlerinde ZIS-2 áli kúnge deıin qoldanylady. QR QK-de tuǵyr nemese murajaı eksponattary retindegi bul qarý túriniń 31 birligi bar.
Taǵy bir kóne áskerı tehnıkanyń biri 122 mm M-30 zeńbiregi. Ol 1938 jylǵy úlgidegi 122-mm M-30 gaýbıtsasy - Uly Otan soǵysy kezeńindegi keńestik gaýbıtsa. Bul qarý 1939 jyldan 1955 jylǵa deıin shyǵarylǵan, álemniń kóptegen elderi áskerleriniń qarýlanýynda bolǵan nemese áli de bar, HH ǵasyrdyń ortasy men sońynda bolǵan barlyq derlik soǵystarda jáne qarýly qaqtyǵystarda qoldanyldy.
Artıllerııany M-30 gaýbıtsasymen qarýlandyrý Uly Otan soǵysynda natsıstik Germanııany kúıretýde úlken rol atqarǵan. Barlyǵy 19266 birlik jasalyp shyǵaryldy.
Taktıkalyq-tehnıkalyq sıpattamalary: topta 8 adam, atý shapshańdyǵy 5-6 atys/mın., oq baǵytynyń bıiktigi 1200 mm.
Sondaı-aq, Uly Otan soǵysy kezeńindegi reaktıvti artıllerııanyń keńestik BM-13 jaýyngerlik mashınasy atanǵan RSZO BM-13 «Katıýsha» da eń keń taralǵan jáne ataqty keńestik jaýyngerlik mashına. Bul tehnıka «Katıýsha» ataýymen anaǵurlym tanymal. Taktıkalyq-tehnıkalyq sıpattamalary: baǵyttaýshy sany - 16, snarıadsyz joryqtyq kúıdegi salmaǵy 7200 kg, joryqtyq kúıden atý kúıine aýysý ýaqyty 2-3 mın, oqtaý ýaqyty 5-8 mın. Atý qashyqtyǵy 8 470 metr.
