Astanadaǵy arnaıy oqý oryndarynda 30 myńnan astam adam bilim alýda
ASTANA. 25 qańtar. QazAqparat - Búgingi tańda Astanada tehnıkalyq jáne kásibı bilim beretin 33 táýelsiz uıym jáne 4 fılıal jumys isteıdi.
Osy oqý oryndarynda 31 219 adam oqıdy. Bul týraly qalalyq Statıstıka departamentinen habarlady.
Elordanyń resmı saıtynyń jazýynsha, stýdentterdiń 84,8%-y kúndizgi bólimde, 0,7%-y túngi bólimde jáne 14,5%-y syrttaı bólimde oqıdy. Bilim 9 baǵyt boıynsha beriledi, olardyń qatarynda gýmanıtarlyq, qurylys, zań, ekonomıkalyq jáne medıtsınalyq mamandyqtar bar.
«2012-2013 oqý jyldarynyń basynda qaladaǵy tehnıkalyq jáne kásibı bilim beretin uıymdarda 1441 muǵalim tartylǵan jáne 138 sheber óndiristik dáris bergen, olardyń 90,5%-y oqý oryndarynyń shtatyna alynǵan. 408 muǵalimniń jáne óndiristik bilim beretin 13 sheberdiń sanaty joǵary; muǵalimderdiń 93,4%-nyń jáne óndiristik bilim beretin sheberlerdiń 59,4%-nyń bilimi joǵary», - delingen habarlamada.
