Astanadaǵy arnaıy ekonomıkalyq aımaqta respırator shyǵaratyn zaýyt ashylmaq

ASTANA. QazAqparat – «Astana – jańa qala» arnaıy ekonomıkalyq aımaǵy aýmaǵynda respırator shyǵaratyn zaýytty iske qosý josparlanyp otyr. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti málim etti, dep habarlaıdy QazAqparat.

«Indýstrııalyq damý komıtetiniń tóraǵasy Іlııas Ospanov «MFA Maske» túrik kompanııasynyń basqarma tóraǵasy Fatıh Fýrtýnmen kezdesti. Kezdesý barysynda taraptar FFP2 jáne FFP3 sanatty respıratorlar óndirisi boıynsha jobany iske asyrý jaıyn talqylady. Jańa kásiporyn «Astana – jańa qala» arnaıy ekonomıkalyq aımaǵynyń aýmaǵynda ornalasqan. Búginde qurylys jumystary aıaqtalyp, jobany aǵymdaǵy jyldyń qazan aıynda iske qosý josparlanyp otyr», - delingen baspasóz málimdemesinde.

Foto : gov.kz