Astanadaǵy arnaýly mekemede nashaqorlardy emdeıtin ońaltý bólimshesi ashylady
ASTANA. Qarashanyń 6-sy. QazAqparat /Ǵalymhan Hasenov/ - Astanadaǵy ETs 166-10 túzetý mekemesiniń aýmaǵynda erteń, qarashanyń 7-de «Atlantıs- Jańa ómir» ońaltý bólimi ashylady.
Atalmysh ortalyqta nashaqorlar dári-dármeksiz psıhoterapııalyq ádispen emdeledi, dep habarlady Ádilet mınıstrligi Qylmystyq-atqarý júıesi komıtetiniń baspasóz qyzmetinen.
Bul respýblıkamyzdyń penıtentsıarlyq júıesindegi ekinshi «Atlantıs- Jańa ómir» ońaltý ortalyǵy. Birinshi ortalyq BUU ókildiginiń «Ortalyq Azııa elderinde esirtkiniń taralýynyń aldyn alý» baǵdarlamasy men «Túrmelerde nashaqorlyqtyń aldyn alý» jobasyn júzege asyrý aıasynda osydan 1 aı buryn Pavlodardyń túzetý mekemeleriniń birinde ashylǵan bolatyn.
