Astanadaǵy «Arman» dúkeninde órt shyqty
ASTANA. QazAqparat - Astanadaǵy «Arman» dúkeninde órt shyqty, dep habarlaıdy QazAqparat tilshisi QR ІІM TJK baspasóz qyzmetine siltememen.
«12 qarasha kúni 13:02-de órtke qarsy qyzmet pýltine Astana qalasy Qarasaı batyr kóshesindegi «Sabyndykól» (burynǵy «Arman») dúkeniniń órtenip jatqany týraly aqparat kelip tústi. Dúkenniń birinshi qabatynda 100 sharshy metrge jýyq aýmaqta ornalasqan dúńgirshekter otqa orandy. Órtti sóndirý barysynda bir áıel qutqaryldy», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Órtti sóndirýge Astana qalasynyń Іshki ister departamentiniń jeke quramynan 26 adam, 6 tehnıka jáne Ortalyq óńirlik aeromobıldik jedel-qutqarý jasaǵynan 4 qyzmetker men bir tehnıka jumyldyryldy.
Tilsiz jaý 13:34-te toqtatylǵan jáne 13:41-de tolyq sóndirilgen. Oqıǵa saldarynan eshkim zardap shekken joq.
