Astanadaǵy «Arqar» kópiri búginnen bastap 5 qyrkúıekke deıin jabylady

NUR-SULTAN. QazAqparat – Búgin astanadaǵy «Arqar» kópirinde jol tósemin ortasha jóndeý jumysy bastalady. Osyǵan baılanysty avtojol jabyq bolady, dep habarlaıdy QazAqparat elorda ákimdiginiń resmı saıtyna silteme jasap.

Nur-Sultan qalasy kólik jáne jol-kólik ınfraqurylymyn damytý basqarmasynyń málimetine sáıkes, 15 tamyz ben 5 qyrkúıek aralyǵynda Máńgilik el dańǵyly men Saraıshyq kóshesi qıylysyndaǵy kólik aıryǵy ýchaskesinen R. Qoshqarbaev dańǵylyna deıingi «Arqar» (M1) kópiriniń jol tósemin ortasha jóndeý jumysy júrgiziledi.

Osyǵan baılanysty, 15-24 tamyz aralyǵynda kópirdi R. Qoshqarbaev dańǵyly baǵytynda, 24 tamyz ben 5 qyrkúıek aralyǵynda Saraıshyq kóshesi baǵytynda jabý josparlanyp otyr.