Astanadaǵy Arbatta jas jubaılar alǵashqy toı fotosessııasyn ótkizdi
ASTANA. QazAqparat - Astanadaǵy Arbatta otaý quryp jatqan jas jubaılar fotosessııa ótkizdi. Bul týraly «QazAqparat» tilshisine Astana qalasy Saryarqa aýdanynyń ákimdigi habarlady.
«Shańyraq kótergen jas jubaılar ulttyq naqyshta fotosýretke túsýge tilek bildirgendikten fotosessııa han ordasynyń aıasynda uıymdastyryldy. Arbattyń jastardyń kóptep keler ornyna aınalyp kele jatqany qýantady. Jastarǵa uzaq ta baqyty ǵumyr tileımiz», - dep habarlaıdy ákimdikten.
Arbat búgingi kúni eń úzdik qoldanbaly óner sheberleriniń, daryndy sýretshiler men mýzykanttardyń basyn qosyp, qala turǵyndary men meımandardyń unamdy ornyna aınaldy. Naqty osy jerde kúndelikti tegin jumys atqaratyn tuńǵysh astanalyq kınoteatr men halyqtyq karaoke ashylǵan.
Arbattyń sahnasynda turaqty túrde kontsertter men shyǵarmashylyq qoıylymdar kórsetiledi. Onyń janynda Ioga-baǵy men ýshý alań ornatylǵan. Ol jerde bilikti nusqaýshylar kún saıyn tegin saýyqtyrý jattyǵýyn ótkizedi.
