Astanadaǵy Arbat qandaı bolady
ASTANA. QazAqparat - Astanadaǵy Arbatty jabdyqtaý jumystary jalǵasýda. Degenmen, qazirdiń ózinde qolóner sheberleri óz ónimderin satýǵa kirisip ketken, dep xabarlaıdy QazAqparat tilshisi.
Kolónershilerdiń qatary Ázirbaıjan Mámbetov kóshesi (burynǵy Bókeıxan kóshesi - avt.) boıymen Oqýshylar saraıynan Esil ózenine deıingi aralyqta ornalasqan. Sol jerde kıiz úılerdiń dekoratsııalaryn ornatyp qoıǵan. Árbir sórede bir-eki adam otyryp, óz ónimderin sata alady. Al Oqýshylar saraıynyń qaptalynda tolyq eki kıiz úıdi tigilgen. Bireýinde murajaı bolsa, ekinshisinde sheberlik synyptaryn ótkizý josparlanyp otyr. Qazirgi kezde Arbatty abattandyrý boıynsha usaq-tıek jumystar atqarylyp jatyr.
Aıta keteıik, Astanadaǵy Arbattyń resmı ashylýy 11 maýsymda ótedi. Atalǵan jobanyń avtory - #HOChÝARBAT qozǵalysynyń jetekshisi Araı Ordabaeva.
«Astanadaǵy Arbattyń resmı ashylýy keshki saǵat 20:00-de bolady. EKSPO-nyń ashylýynan keıin halyq sál bosap, Esil ózenine qaraı yǵysady dep oılaımyz. Sosyn Arbattyń boıymen biz túrli-tústi shamdardan juldyzdy aspan uıymdastyrdyq. Sol sebepti ashylý rásimin keshki ýaqytqa josparlap otyrmyz», - dep atap kórsetti Ordabaeva QazAqparat tilshisine bergen suxbatynda.
