Astanadaǵy Ana men bala ulttyq ǵylymı ortalyǵynda 11 myńynshy náreste dúnıege keldi
ASTANA. 19-shy qazan. QazAqparat - Astanadaǵy Ana men bala ulttyq ǵylymı ortalyǵynda 11 myńynshy bala dúnıege keldi. Bul týraly QazAqparatqa atalmysh ortalyqtan habarlandy.
Bular - Ana men bala ulttyq ǵylymı ortalyǵynyń qyzmeti jolǵa qoıylǵaly dúnıege kelgen náresteler.
Al jyl sońyna deıin ortalyqta taǵy 3 bala dúnıe esigin ashady dep kútilýde.
Ortalyqtyń Akýsherlik jáne gınekologııa jónindegi medıtsınalyq dırektorynyń orynbasary Talshyn Ýkibasovanyń aıtynsha, sońǵy týylǵan 11 myńynshy náresteler egiz bolyp shyqty. Egizderdiń anasy joǵary arterııalyq qysymyna baılanysty Astana qalasynyń perınataldyq ortalyǵynan Ana men bala ortalyǵyna jiberilgen.
500 orynǵa eseptelgen ortalyqta aı saıyn 250-300 bala týylady. Munda medıtsına salasynyń eń sońǵy jetistikteri negizindegi tehnologııalar ornatylǵan. Ortalyq 2007 jyly iske qosylǵan.
