Astanadaǵy Almaty aýdanynyń kóshelerine jańa aǵashtar otyrǵyzyldy
ASTANA. 4 sáýir. QazAqparat - Jyl saıynǵy dástúr boıynsha elordada 2013 jyldyń 10 sáýirinen 10 mamyryna deıin «ekologııalyq aılyq» jarııalandy.
Almaty aýdany osy kezeńde josparlanǵan is-sharalarǵa qazirdiń ózinde kirisip ketti. Bul týraly astana.kz saıty habarlaıdy.
Ákimdik «ekologııalyq aılyq» aıasynda 2000-nan asa aǵash, 1500 tamyr ósindilerin otyrǵyzýdy maqsat tutqan.
Ákimdikte atap kórsetkendeı, qystan keıin tamyry sýalǵan aǵashtardy kesip, Abylaıhan dańǵylynyń boıynda oramishilik aýmaqtarǵa jańa aǵashtar otyrǵyzylmaq.
«Ekologııalyq aılyq» barysynda 101 meken-jaı boıynsha konteınerlik alańdardy jóndeý jumystary josparlanýda. Bul jumys 31 naýryzda bastalǵan bolatyn.
Almaty aýdany ákimdiginiń abattandyrý bóliminiń aqparaty boıynsha, qazirdiń ózinde T.Hýseın 4/6, Táshenov 2/3, Ǵabdýllın 10/3, Toraıǵyrov 3, Baıanaýyl 3, Seıfýllın 44, 48/6, 61/1, Beısekbaev 10/1, Brýsılovskıı 26, Jubanov 13/2, 17/3, 31/1,Tsıolkovskıı 1, Imanbaeva 5, Aımaýytov 12/1 jáne 3/3 meken-jaılaryndaǵy konteıner alańdary jóndeýden ótkizildi.
Sondaı-aq, josparlanǵan is-sharalar aıasynda aýdannyń saıabaqtary men gúlzarlarynda qalpyna keltirý jumystary júrgizilip, aǵashtar aqtalady, qorshaýlar men tireýishter jańartylady. Sonymen qatar kópirler jóndelip, Aqbulaq jáne Esil ózenderiniń arnalary tazalanady.
