Astanadaǵy alǵashqy aýyl sharýashylyǵy jármeńkesiniń baǵalary qandaı
ASTANA. QazAqparat - Astanada Oństústik Qazaqstan oblysynyń aýyl sharýashylyǵy jármeńkesi ashyldy. QazAqparat tilshisi ońtústik óńirinen kelgen taýarlardyń baǵasyn kórip qaıtty.
OQO-nyń taýar óndirýshileri kókónisti kóptep ákeldi. Sonyń ishinde qyzanaq pen qııardyń kólemi basym. Qyzanaqtyń bir kelisi 500 teńgeden satylsa, qııar 200-350 teńgeden satylyp jatyr. Al qyryqqabattyń bir kelisi 115 teńge turady. Budan bólek, shujyq ónimderi - 850-1400 teńge, jumyrtqa - 230-270 teńge, jylqy eti - 1500 teńge, sondaı-aq balyqtyń túr-túri bar. Máselen, sazannyń súbesin 1300 teńgege, al kókserkeniń súbesin 2200 teńgege satyp alýǵa bolady.
Aıta keteıik, búginnen bastap Astanada aýyl sharýashylyǵy jármeńkeleriniń maýsymy bastaldy. Bıyl EKSPO - 2017 kórmesiniń ashylýyna baılanysty jármeńkeler maýsymy erte ashylyp, qazan aıyna deıin jalǵasady.
Ákimdiktiń aqparatyna sáıkes, jármeńkede satylatyn ónimderdiń baǵasy 15-20 paıyzǵa arzan bolady. Jármeńke «Qazaqstan» sport kesheni janynda ótedi. Tolyq kestenimyna jerden kórýge bolady.
